هي النقط اللي تيعطوا الكليان للحرايفية!
النقط كتمشي من 1 (سيئ) ل 5 (استثنائي! !
الكليان بوحدهم يمكن لهم يخلوا نقط ولا تعليقات.
الرأي ديالك غال عندنا! الرضا ديالك هو الهدف الأساسي ديالنا!
أنك تنقط شي حرايفي تيسمح لك باش تعبر على الرضا ولا على عدم الرضا ديالك على شي خدمة اللي تدارت, بالإضافة إلى ذلك، يمكنك ليك تربح نقاط كنز'أب من بعد ما تقيم الخدمة.
فاش تكمل الخدمة، غادي توصل بواحد الاشعار اللي غادي يطلب منك تقيم الحرايفي.
كنز'أب (Kenz'up ) هي تطبيق ديال الأداء والوفاء ديال ماركات متعددة اللي متوفرة في شبكة ديال الشركاء. باش نسهلو المسألة، هي تطبيق تيمكنك باش تربح الفلوس فاش تتصرف الفلوس. في أي صفقة، المبلغ اللي كتخلص غادي يسمح ليك باش تربح نقط بحسب نسبة مئوية محددة.
باش تطالع على معلومات أكثر، يمكن لك تحمل التطبيق كنز'أب من البلاي ستور وأب ستور. بالمجان تماما.
على أي خدمة كتحجزها على هاني، غادي تربح نقط مع كنز'أب. كل نقطة كتساوي درهم 1 يمكن لك تعاود تستعمل هذ النقط في كاع الشبكة ديال كنز'أب، اللي هي: إفريقيا، ريزوروت (مقهى وازيس، ميني ابراهيم، أوطو غو) يان أند وان، زارا، جاب، واخرين بزاف.
الوفاء ديالك تيتكافأ لأنو على أي خدمة كتحجزها على هاني كتربح نقط مع كنز'أب يمكن لك تصرفها عند إفريقيا، ميني ابراهيم، يان أند وان، زارا، جاب واخرين بزاف.
باش تطالع على جميع المعلومات على برنامج كنزأب اتصل من فضلك بخدمة الزبائن كنزأب على 05.20.10.00.01.
فاش تكون تتحجز شي خدمة غادي تكون عندك الامكانية باش تختار الطريقة ديال الأداء.
غادي تكون عندك ديك الساعة الامكانية باش تدخل نقط الوفاء ورموز التخفيض وأي اعتماد آخر ديالك في هذ الشراء. يمكن لك في المستقبل تستعمل نقط كنز'أب هنا باش تخلص الخدمات.
إلى بغيتي تلغي حتى ل 24 ساعة قبل الحجز ديالك، يمكن لك تلغي مباشرة من الصفحة ديال الحجز ديالك.
لى مكنتش أي مصاريف آخرى مرتبطة بالحجز ديالك (مكونات المطبخ، قطع إضافية للاصلاح) مغادي نحسبو عليك أي مصاريف.
إلا أنو إلى تدارت شي مشتريات بسميتك، غادي يخصك تخلصها.
من جهة أخرى، ميمكنش لك تلغي خدمة الى كان المهني جاي في طريق او لا الى لخدمة غادية تبدا في اقل من ساعة ، ولكن يمكن لك تعاود تبرمجها فشي نهار او ساعة اخرى.
يمكن لك تخدم التطبيق في أي وقت من النهار ولا من الليل بشرط أنك تحجز مسبقا و تتوفرو خدمات الطوارئ ما بين الساعة 8 صباحا و7 مساء
بمجرد ما كتاكد تدخل ديالك , يمكن لك تدخل لتشات مع الحرايفي ويمكن لك تصيفت رسائل قصيرة ورسائل صوتية وفيديوهات وصور وموقعك وحتى الاتصال به .
إلى بغيتي تحجز شي خدمة لشي شخص من نفس البيت، يمكن لك تحجز لهذ الشخص. ومع ذلك ، فمن الأفضل أن يكون الأمر من قبل شخص لي غادي استافد ، لأن لحريفي غادي يكون عندو حق يوصل لمعلومات ديالو الشخصية. ولكن سهلنا عليك بزاف باش توصي أصدقاء ولا أفراد الأسرة ديالك باش يحملوا التطبيق ويمكن لك تحصل على تخفيضات إلى درتي هذ المسألة.
إلى لاحظ الحرايفي أن الخدمة كثر من اللي كان تيتوقع، غادي يعلمك وغادي تكون حر باش تقبل ولا ترفض عرض الأثمان الجديد.
من ناحية اخرى، كنعلموك بأن منصة هاني تتقترح خدمة ديال الاستشارة ولا الزيارة في عين المكان قبل ما يتكلف الحرايفي بالتدخل وهذا غير بالنسبة لبعض الخدمات بحال الأشغال الكبرى، مثلا.
أي طلب كيتم تغيير ديالو عبر التطبيق كيخضع أيضًا للتأمين والضمانات الخاصة بـهاني
كيفاش تنشأ حساب ديال الكليان
المسألة ساهلة بزاف، خاصك غير تسجل على التطبيق هاني بالنمرة ديال التلفون ديالك وتبع التعليمات هنا لتحت:
كيفاش نغير المعلومات الشخصية ديالي؟
كيفاش نغير ولا نزيد صورة ديال البروفيل؟
نسيت كلمة المرور ديالي،كيفاش ندير باش نردها؟
عندي مشكل في الحساب ديالي.
إلى لقيتي شي مشكل، اتصل من فضلك بخدمة الزيائن هاني على 05.20.100.004، متوفر 7 أيام على 7 من 09 س حتى 20س أو ارسل بريد الكتروني شرح فيه المشكل للعنوان [email protected]فريق هاني غادي يتكلف باش يجاوبك في أقرب وقت.
الأشكال ديال الأداء اللي متوفرة هي:
المسألة ساهلة بزاف، يكفي أنك:
تعمر المعلومات ديال البطاقة ديالك؛
تنقر على الزر "أرسل"؛
غادي تكتب الرمز في المساحة اللي مخصصة ليه.
غادي تكتب الرمز في المساحة اللي مخصصة ليه.
نعم، الاداءات كاملة مؤمنة ومضمونة من مركز النقديات (CMI).
نعم، الحرايفية ديالنا مراقبين والأداء الفعلي تيتوقف على الميزة ديال "كمل الخدمة" على التطبيق. غير كتخلص بالنقد، كيتسجل الأداء وتنكونو معلومين بالصفقة.
إلى ما عجبتك شي خدمة اللي تدارت، اتصل من فضلك بمركز العلاقات مع الزبائن دبالنا على 05.20.100.004
غادي يخصك تعمر واحد الاستبيان كاين في تطبيق بعد تقييم الخدمة وغادي يخصك ترفق صور و فيديوهات و شرح مكتوب ديال دكشي اللي معجبكش. وغادي نصيفتو ليك الخبير ديالنا باش يقيم الخدمة.
ميمكنش لينا نعوضوك. ولكن نقدرو نعاودو ليك الخدمة بلا مصاريف زايدة إلى متدارش الخدمة كيف بغيتيها.
هاني هي واحد التطبيق اللي كيسهل التواصل والتفاعل بين الناس اللي كيقدمو الخدمات والناس اللي كيطلبو الخدمات في المغرب كامل. هي منصة مخصصة للأشخاص المتواجدين في المغرب واللي تتسمح بواحد الأسلوب جديد في التفاوض وتتغطي الأوساط الحضرية وشبه الحضرية.
غير كتحمل التطبيق هاني وتترتبط بحرايفية مؤهلين اللي كيخدمو في كاع الحرف. بفضل التطبيق هاني! توصل بالأثمان، قرا الآراء، شوف البروفيلات ديال الحرايفية، تواصلو معهم واختار الحرايفي اللي يناسبك مباشرة عبر التطبيق.
كل ما عليك دير هو تشوف لحريفية لي موجودين و تختار أحسن واحد باش تدخل في الإتصال معاه
غير ببعض النقرات، من التسجيل حتى للأداء، كولشي كيدوز من التطبيق.
هاني هي هنا باش تسهل عليك الحياة وتلاقيك بالناس المزيانين لخدمات مختلفة في البيت.
هاني كي قدم ليك 3 فئات من الخدمات عالية الجودة.
الوصول الحصري لخدمات الطوارئ ديالنا . كيتم في أقل من ساعتين ! كون هانى!
يمكن ليك تختار مبين أحسن لحرايفية في جميع مجالات لكيحتاجها المنزل ديالك (بلومبي ، تريسيان ، ميكانيك ، إلكترونيك، التنظيف ، تكييف الهواء ، إلخ.)
مزيان أن تدلل راسك وتعتني بيه ! دلل نفسك بلا متشعر بالذنب وقم بالتواصل مع أفضل المتخصصين عندنا في بزاف فئات (الجمال والرفاهية والرياضة و التنضيف بالجاف وما إلى ذلك)
هاني كتختار لكم أحسن الحرايفية (حورين أو مقاولات) حسب معايير صارمة ديال الاختيار.
هاني برو كيف كنتسموهم حنا في أسرة هاني كيستفدوا من مجزوءات مختلفة ديال التكوين، ويالتالي، غير الحرايفية اللي عندهم الكفايات المطلوبة هما اللي تيتختاروا.
هاني برو ديالنا كنتبعوهم ونقيموهم ديما باش نضمنو لك أفضل تجربة مع هاني.
المسألة ساهلة بزاف، غير تبع الخطوات هنا لتحت:
- اختر الصنف ديال الخدمة اللي بغيتي من صفحة الاستقبال أو في شريط البحث
- اختر الخدمة اللي بغيتي وزيدها في السلة ديالك.
يمكن ليك تدخل لواحد الصفحة فين كاينين كاع الحرايفية ومعهم نظرة على السير الذاتية ديالهم والصور ديالهم والنقطة اللي عطاوهم الكليان ديالنا ومعلومات على الثمن اللي تيعرضو الحرايفي. بالنسبة للثمن، عندك الحرية باش تطلب عرض الأسعار على أساس الاستشارة فاش يتعلق الأمر بأشغال كبرى ولا فاش يكون الحرايفي معرضش الثمن ديالو.
- اختر التاريخ اللي بغيتي واكتب العنوان ديالك.
- أنقر على "أرسل" وغادي يجاوبك الحرايفي في أقرب وقت.
- يمكن لك كذلك تصيفت ليه صور، فيديوهات ورسائل صوتية على التشات باش تعطي أكبر قدر من المعلومات للحرايفي ديالك ويمكن لك من بعد إما تقبل ولا ترفض.
كتعطيك المنصة 2 ديال الإمكانيات:
كنعلموك بأن الحرايفي هو حر باش يقترح الأثمان اللي بغا وبأن المنصة مكتفرض أي ثمن على الحرايفية ديالها. بإمكان ليك تقارن الأسعار لكي قدمها لحرايفية قبل متاخد إختيار
غير كيجاوب الحرايفي على الطلب ديالك، غادي تعلم بإشعار على التطبيق ,يخبرك بالحرايفي اللي تختار ويمكن لك تدخل للاحداثيات ديالو من التبويب ديال التأكيد ويمكن لك تدخل للبروفيل ديالو حتى هو.
دابا حنا كنخدموا في الدارالبيضاء ,المحمدية ,الرباط ومراكش.
وكنوجدو باش نغطو المغرب كامل في القريب.
يمكن لك اتصل بخدمة الزبائن هاني على 05.20.100.004 05.20.100.004
خدمة الزبائن هاني في خدمتكم 7 أيام على 7 من 09:00 حتى 20:00
التسجيل بالمجان، وغادي ديما تعرف شحال غادية تكلفك الخدمة.